Հայաստանի Ինֆոսեք Համայնք

~/about

Մեր Մասին

Ով ենք մենք, ինչպես ամեն ինչ սկսվեց և ինչ արժեքներ ունենք։

~/who-we-are

Ով ենք մենք

Armenian InfoSec Community-ն համայնքային նախաձեռնություն է, որի նպատակն է միավորել կիբեռանվտանգության մասնագետներին, ուսանողներին, հետաքրքրված անձանց և բոլոր նրանց, ովքեր ցանկանում են բացահայտել տեղեկատվական անվտանգության աշխարհը։

Մենք ձգտում ենք ստեղծել ջերմ, համագործակցային և աջակցող միջավայր, որտեղ յուրաքանչյուրը՝ անկախ իր փորձից կամ իր անցած ճանապարհից մարդ, կարող է սովորել, ուսուցանել, զարգանալ և իր ներդրումն ունենալ։

~/history

Ինչպես ամեն ինչ սկսվեց

Armenian InfoSec Community-ն ծնվեց մի պարզ գաղափարից՝ ստեղծել ջերմ, բաց և համագործակցային միջավայր Հայաստանում կիբեռանվտանգությամբ հետաքրքրվողների համար։

Ժամանակի ընթացքում պարզ դարձավ, որ մեր ոլորտից շատերը՝ հատկապես սկսնակները, փնտրում էին համայնք, որտեղ կարող են հանգիստ սովորել, ազատ հարցեր տալ և շփվել մյուսների հետ՝ ազատ ու անկաշկանդ ձևով։ Միևնույն ժամանակ, փորձառու մասնագետները պատրաստ էին կիսվել իրենց գիտելիքներով, աջակցել սկսնակներին և նպաստել InfoSec էկոհամակարգի առողջ ձևավորմանը։

Նկատելով այս կարիքը, և զգալով, որ կա նման արժեքավոր բան ստեղծելու հնարավորություն, նախաձեռնությունը ծնվեց՝ որպես համատեղ ջանք՝ միավորելու մարդկանց, բացահայտելու ու զարգացնելու տեղական տաղանդը և ձևավորելու մշակույթ, որը հիմնված է բացության, մենթորության և փոխադարձ հարգանքի վրա։

Մեր առաջին հանդիպումը, որը տեղի է ունեցել 2025թ. օգոստոսի 15-ին, ապացուցեց նախաձեռնության կարևորությունը և այդ օրվանից ի վեր համայնքը շարունակում է աճել՝ միավորված ընդհանուր նպատակով և դրական էներգիայով։

~/purpose

Մեր նպատակը

Խթանել գիտելիքների փոխանակումը և շարունակական ուսուցումը

Միավորել մարդկանց՝ տեղեկատվական անվտանգության բոլոր ոլորտներից

Խրախուսել մենթորությունը և համագործակցությունը

Տարածել էթիկական և պատասխանատու կիբեռանվտանգության պրակտիկաներ

Ստեղծել հնարավորություններ՝ ինչպես սկսնակների, այնպես էլ փորձառու մասնագետների համար

Ներկայացնել Հայաստանը՝ գլոբալ անվտանգության էկոհամակարգում

~/values

Մեր արժեքները

Մենք պահում ենք ամեն ինչ պարզ ու մարդկային։

  • Եղիր հարգալից ու քաղաքավարի
  • Մի քննադատիր
  • Մի եղիր տոքսիկ
  • Պահպանել միայն կոնստրուկտիվ դիսկուսիաներ
  • Պահպանել թափանցիկություն
  • Նորմալ է չիմանալը

~/lore

Ավանդազրույց

Ժուկով ժամանակով, երբ աշխարհի մի փոքրիկ բայց պայծառ անկյունում կային հետաքրքրասեր մարդիկ, ովքեր սիրում էին հանելուկներ լուծել, գաղտնիքներ պաշտպանել և բացահայտել ինտերնետի անտեսանելի աշխարհը։

Նրանք աշխատում էին առանձին՝ յուրաքանչյուրը պաշտպանելով իր գիտելիքի ամրոցը։ Բայց ժամանակի ընթացքում նրանք հասկացան, որ մարտերը մեծանում են, կիբեռսպառնալիքների վիշապները՝ ավելի ուժեղանում, և հաղթանակի միակ գրավականը թիմային աշխատանքի կախարդանքն է։

Այսպիսով նրանք հավաքվեցին մեկ հարկի տակ՝ իրենց կախարդանքներով կիսվելու, սրերը սրելու և ստեղծելու մի թագավորություն, որտեղ գիտելիքը ազատ հոսում է, յուրաքանչյուր ձայն լսելի է, և ոչ ոք մենակ չի պայքարում։

Այսպես էլ ծնվեց Armenian InfoSec Community-ն՝ մի վայր, որտեղ հերոսներ են ձևավորվում, լեգենդներ են պատմվում, և սկսվում է ավելի անվտանգ թվային աշխարհի պատմությունը։